Материалы для истории раскола за первое время его существования. Том 7

Субботин Н.И. Материалы для истории раскола за первое время его существования. Том 7. - Москва, 1885

OCR
60 — идѣже людей нѣсть и человѣцы не водворяются.
Онъ же идяше на южную страну. И абіе отъ сна
возбнувъ, и здравъ обрѣтохся и сердце мое яко
мастію помазано. И отъ того времени приложимися
желаніе к желанію, еже жити ми единому в пустыни,
а иногда прихождаше ми такова радость о Христѣ,
яко мнѣти ми не в келіи, но на небеси пребывати,
понеже в забытіе ми прихождаше вся земная вѣка
сего. И молящумися о благосостояніи церквей, о
царѣ и о всемъ мірѣ, прихождаше же ми помыслъ
молитися пречистѣй Богородицѣ о умной молитвѣ
'Ісусовѣ1), да дасть ми отъ нея, еже Апостолъ Павелъ
твердитъ: хощу, рече, пять словесъ умомъ моимъ
глаголати, да и ины пользую, нежели тмы словесъ
языкомъ. Толкованіе Іоанна Златоустаго о умной молитвѣ
Ісусовѣ. Первое слово Господи, второе Ісусе, третіе
Христе, четвертое Сине, пятое Божій: сіе отъ свя¬
тыхъ Апостолъ; а еже помилуй насъ святыми отцы
положено. Аще кто сію молитву Ісусову, требуя
ея, глаголетъ яко изъ ноздрей дыханіе, по первомъ
лѣтѣ вселится въ него Христосъ Сынъ Божій, по
второмъ лѣтѣ внидетъ въ него Духъ Святый, по
третіемъ лѣтѣ пріидетъ къ нему Отецъ, и вшедше
въ него, и обитель въ немъ сотворитъ Святая
Троица, и пожретъ молитва сердце, и сердце по¬
жретъ молитву, и начнетъ клицати молитву Ісусову,
сирѣчь вопити непрестанно сію молитву во дни и
въ нощи. И будетъ тотъ человѣкъ свободь всѣхъ
сѣтей вражіихъ. *)*) На полѣ: Умная молитва.