Материалы для истории раскола за первое время его существования. Том 7

Субботин Н.И. Материалы для истории раскола за первое время его существования. Том 7. - Москва, 1885

OCR
— 8 И тебѣ славу и благодареніе возслемъ со Отцемъ и со
Святымъ Духомъ, Да осіяни будемъ благораствореннымъ воздухомъ. Во вѣки вѣкомъ аминь. Ино предисловіе къ читателю вѣрному. Возлюбленне, молю любовь твою, не укори моего
окаянства, яко отъ усердія ко благочестію второе
предисловіе двоестрочное здѣ предложихъ по право¬
вѣріи усердьствующимъ. А о прощеніи согрѣшеніихъ
при концѣ книги сея имамъ молити господнихъ
истинныхъ рабовъ. Недостойнаго небу и земли имя
неполезно писати, точію многогрѣшный, окаянный
и страстный. Стихи, или вирши къ читателеви. Всякаго чина православныхъ къ читателю. Господу Богу благодареніе воздай яко благодателю. Яко сподоби насъ въ послѣдокъ лѣтомъ, Познати волю его соблагимъ отвѣтомъ. Въ сіе время лютое и плача достойное, Ужасается сердце богобойное. Якихъ много сопостатовъ и хишныхъ волковъ,
Бѣсовскихъ навожденій, еретическихъ полковъ. Тѣмъ, аще хощеши правую вѣру познати, Совѣтую ти божественному писанію внимати. Въ томъ бо положи Богъ сокровища благая, Открываетъ же ищущимъ стези своя правая — Святыя восточныя церкве право въ русскомъ народѣ, Ея же свѣтлость сіяетъ во многопрелестной незгодѣ.
Слово Божіе ни въ чесомъ же перемѣнится, Правовѣріе же между здовѣріемъ свѣтится. Восточныя церкве правда яко солнце сіяетъ,
Благоустроенными дѣйствы блистаетъ.