Материалы для истории раскола за первое время его существования. Том 7

Субботин Н.И. Материалы для истории раскола за первое время его существования. Том 7. - Москва, 1885

OCR
— 202 кто глаголетъ ему радуйся, пріобщается дѣломъ
его неплодвымъ и лукавымъ; и паки: всякъ иже
преступая и не пребывая въ наказаніи Господни,
Бога не имать. Сія же Іоанъ учитъ, Іоанъ сынъ
громовый, иже паче всѣхъ святыхъ возлюбленный
Христовъ. И Іаковъ же рече: иже аще мнится
другъ ему быти, врагъ Божій есть. Услышите вси
православніи, иже сіе священными дѣятелю того
отвѣта, яко Божіи врази есть, ниже бо иже со
врагомъ царевымъ дружася, можетъ другъ царевъ
быти, ниже животу сподобится, но со враги поги¬
баетъ и лютѣйшая постраждетъ. И Іюда Іяковль рече:
Рѣша бо нѣцыи человѣцы, иже древлепрописан-
ніи въ сей грѣхъ нечестія, Бога нашего благодать
прелагающе въ скверну, и единаго Бога Господа на¬
шего Ісуса Христа отрицающеся; и паки рече: на по¬
слѣдняя времена будутъ поругатели по своимъ же¬
ланіемъ ходяще нечестія: сіи суть въ любвахъ
вашихъ, сквернами гостящеся, безъ боязни себе
пасуще, облацы безводніи, всякими вѣтры прено-
симы, древеса ясенная безплодная, звѣзды прелестны,
имже мракъ тьмы вовѣки блюдется. Таковая и
множайшая сихъ поучаетъ насъ Іюда добрый. Самъ
же Господь рече: блюдѣтеся, да никтоже васъ
прелститъ, яко время близъ есть. Нынѣ наста, и
вси зримъ слуги діяволскія. Но врази бо и навѣтни-
цы церкви Христовѣ, рекше разсѣкателе и мяте¬
жетворцы во всякомъ родѣ пагубѣ предани бы¬
ваютъ, по Господнему слову, еже рече: яко всякъ
садъ, егоже не насади Отецъ мой небесный,
искоренится, и отверженъ будетъ, и изгна изъ церкви