Материалы для истории раскола за первое время его существования. Том 7

Субботин Н.И. Материалы для истории раскола за первое время его существования. Том 7. - Москва, 1885

OCR
— 115 — смущенія не свободится *) и благъ пастырь той
даруется, могій правѣ промышляти о красотѣ ея и
благъ миръ той даровати. Отнелѣже бо онъ, Никонъ,
начатъ вводити смущенія догматы, не имамы чисты
молитвы къ Богу. Но по извѣстномъ его отверже¬
ніи и воистинну странномъ и нелѣпотномъ патріар¬
шескаго престола съ клятвою, преосвященному
Паисію митрополиту Газскому дерзостно пишетъ
сице: Никонъ Божіею милостію патріархъ, въ Духѣ
Святѣмъ преосвященному митрополиту Паисію ми¬
лости благословенія. Облакъ свидѣтелей имать онъ,
Никонъ, отрицанію своему, о благочестивый царю.
Почто озирается вспять? Али не ползова его Хри¬
стосъ, рекій: никтоже возложъ руку свою на рало
и зря вспять, управленъ есть во царствіе Божіе? Статіл 5. Жена убо Лотова, обратившися вспять,
бысть столпъ сланъ. И не дивно: не сохранши бо
заповѣдь, пострада въ правду. Несущее бо Никонъ
глаголетъ, патріарха себе нарицая, и простъ чернецъ
сущему архіерею благословенія дая. Не совершивъ
бо службы изъ церкви изшелъ есть, и безъ лѣпоты
престолъ оставль гнѣвомъ и яростію, презрѣвъ Божій
страхъ. Прощенія бо, падъ, долженъ есть просити
таковаго дерзновенія и ругательства и многихъ
соблазнъ. И гдѣ бо обрѣсти имать въ писаніи таковъ
образъ оставленія престола? Дерзость бо онаго и
безсовѣтія обычай правилно сугубо страдати его
устроитъ. Іоаннъ бо мнихъ и молчалникъ и сущія
съ нимъ черноризцы Святыя Горы явѣ показати і) На полѣ: зри сами на ся. 8*