Материалы для истории раскола за первое время его существования. Том 7

Субботин Н.И. Материалы для истории раскола за первое время его существования. Том 7. - Москва, 1885

OCR
— 103 — и хишницы псы наричетъ писаніе, и безструднѣй-
шая несытства ради имѣнія сице псы наричетъ, и
жидовъ и всѣхъ еретикъ, и блюстися отъ сихъ
велитъ, отъ злыхъ дѣлателей. Человѣкъ бо нари¬
четъ писаніе праведныхъ, истинныхъ, благочести¬
выхъ, отгребающихся отъ всякія злыя вещи. Вели¬
кій бо, рече, человѣкъ и честенъ мужъ милостивъ.
А иже не сицевыхъ, аще и ума причащающихся и
въ премудрости высокихъ, не вѣсть писаніе гла-
голати человѣки, но псы и кони, и ехидны и змія,
и лисы и волки, по коегождо ихъ нраву. И питаяй
бо ся пространно нѣсть человѣкъ. Статіл 5. Но и учители церковныя доблествен-
ныя псы наричетъ писаніе. Вселеннѣй бо учитель
и покаянію наставникъ Златоустый Іоаннъ Азарія
архіерея, Іозіи царю запретивши, доблественна
пса нарече. Сице и великаго вселенскаго благо¬
вѣстника божественнаго Апостола Павла похваляя
въ толкованіи своемъ, рече, на стихъ двадесятъ
пятой: егда пріиде въ Тарсъ Варнава взыскати
Павла, и обрѣтъ его, приведе во Антіохію. Злато¬
устъ же, дивяся, рече: пріиде по воеводу, по само¬
борца, по лва; и не вѣмъ коимъ именемъ нареклъ
быхъ оного: елико бо аще и наименую, меншая. Да
и достоинства Павлова реку: пріиде по пса ловнаго,
лвы убивающаго, по юнца крѣпкаго, по лампаду
свѣтлую, по уста довлѣющія вселеннѣй. И зри, о
Никоне, како вселеннѣй учители псы наричетъ
писаніе, и не во укоризну тѣмъ, но и въ похвалу.
Аще бо и благовѣрный царь Ѳеодосій Великій