Материалы для истории раскола за первое время его существования. Том 7

Субботин Н.И. Материалы для истории раскола за первое время его существования. Том 7. - Москва, 1885

OCR
— 102 — къ тебѣ сей грѣхъ, ко отрекшемуся благодати свя¬
щенства и чюжа бывшу святительскія власти и чести,
по 16 правилу второперваго собора въ церкви
святыхъ Апостолъ. Но аще и архіерейскую власть
имѣлъ еси и патріаршескія чести не отречеся, не
подобаше ти сицевы ради вины и гнѣватися, а не
точію проклинати, — много паче радоватися, поми-
наючи пресвятый Спасовъ глаголъ: блажени есте
егда поносятъ вамъ ’). Статія 3. Не хощеши ли, о Никоне, послуша-
ти Спаса Христа, рекшаго: не противитисл злу,
ниже зла за зло воздавайтеа)? Но и ударившему
въ ланиту другую обратити повелѣ3). И слыша-
шеся отъ нѣкихъ: бѣса имать и о веельзеулѣ
князѣ бѣсовстемъ изгонитъ бѣсы, и не гнѣвапіе-
ся, но кроткій он гласъ испусти: азъ бѣса не
имамъ, но чту отца моего 4). Но и сія не возмо-
гоша ли тя уцѣломудрити? Владыко убо и Богъ вся¬
ческихъ и творецъ всемогій почто хулимъ не гнѣва-
шеся? всяко да насъ научитъ. Нѣкогда же верховнымъ
ученикомъ рекшимъ: хощеши ли, речема, да огнь
снидетъ съ небесе и потребитъ вся; къ нимъ же
отвѣща Спасъ: не вѣста коего духа еста вы: Сынъ
бо человѣческій не пріиде душъ человѣческихъ по-
губити, но спасти5). Статія 4. Вѣси убо, о Никоне, яко лихоимцы На полѣ: Мат. зач. 10. 2) На полѣ: Зач. 14. 3) На полѣ: Зач. 33. 4) На полѣ: Іоан. зач. 23, 26, 32. 5) На полѣ: Лук. зач. 48.