Библиотека / Выписана история печатная о Петре Великом. Собрание от Святаго Писания о Антихристе

Выписана история печатная о Петре Великом. Собрание от Святаго Писания о Антихристе

: [url=http://txt.drevle.com/text/sobranie_ot_svyatogo_pisaniya_o_antihriste]Выписана история печатная о Петре Великом. Собрание от Святаго Писания о Антихристе[/url]

Богъ превѣчный, не имѣя ни начала, ни конца, неизреченною Своею мудростію, яко восхотѣ и сотвори, создавъ бо человѣка отъ земныя персти и святымъ Божественнымъ писаніемъ ограничивъ его. А еже праотецъ нашъ, Адамъ, изъ границъ, назначенныхъ ему, выступилъ, за то тлѣнію и смерти подпаде: за преступленіе единыя заповѣди 5533 лѣтъ пребьість въ тлѣніи и въ смерти родъ нашъ. Егда же восхотѣ Богъ избавити насъ отъ работы діавола и просвѣтити землю Своимъ познаніемъ, посла Богъ Сына Своего Единороднаго въ 5500 лѣто, возсія солнце правды, Христосъ Богъ нашъ отъ Пречистыя и Пренепорочныя Владычицы нашея Богородицы и Приснодѣвы Маріи, и просвѣти свѣтомъ познанія вся человѣки. И паки Святымъ Божественнымъ писаніемъ ограничивъ, постави седмь столповъ вѣчныя правды, и повелѣ всякому, вѣрующему во имя его, созидати храмину свою на оныхъ седми столпѣхъ. Аще бо кто въ той Седьми Вселенскими Соборами утвержденной правдѣ пребудетъ, спасенъ будетъ, а кто отступитъ, или въ чемъ нарушитъ, погибнетъ во вѣки. Егда же по тысящи лѣтъ, развязанъ бысть сатана отъ темницы своея, изиде н нападе на великую монархію Римскую, и поколеба и разруши оное седмистолпное утвержденіе, и паки на второй Римъ пріиде по 1600 лѣто, а въ 66 л. и Россія тому же паденію поревнова, и тако исполнися число звѣря 1666 лѣтъ. Въ то время Царь Алексѣй Михайловичъ съ Никономъ отступи отъ Святыя Православныя Вѣры, и всю Церковь Божію отъ всего благолѣпія обнаживъ, и бысть, вмѣсто владыки, мучитель, яко же свидѣтельствуетъ Апостолъ въ зачалѣ 275: Прежде пріидетъ отступленіе, потомъ человѣкъ грѣха, сынъ погибельный, Антихристъ. Прежде пріиде отступленіе отъ святыя Вѣры Царемъ Алексѣемъ Михайловичемъ по числу 1666, а послѣ его въ третьихъ на престолѣ возцарствова сынъ его первородный, Петръ, отъ втораго беззаконнаго браку, в той помазася на престолъ Всероссійскій закономъ Жидовскимъ отъ главы и до ногу, показуя, яко ложный есть Мессія и Лжехристосъ, яко же пророчествова о немъ Сивилла, яко же имать царствовати Царь Жидовскій. И той Лжехристосъ нача превозношатися паче всѣхъ глаголемыхъ Богомъ, сирѣчь помазанниковъ, и нача величатися и славитися предъ всѣмъ, гоня и муча Православныхъ Христіанъ, истребляя отъ земли память ихъ, распространяя свою новую Жидовскую Вѣру, и Церковь во всей Россіи въ 1700 году возобнови, по совершенномъ своея злобы совершенія, новолѣтіе Янусовское, н узаконивъ отъ онаго вести лѣтосчисленіе, а въ 1721 году пріялъ на себя титлу Патріаршескую, именовася Отецъ Отечества, яко же свидѣтельствуетъ книжка «Царство мертвыхъ» (листъ 115), и Глава Церкви Россійскія, и бысть самовластенъ, не имѣя ни кого въ равенствѣ себѣ, восхитивъ на себя не точію Царскую власть, но и Святительскую и Божію, бысть самовластный пастырь, едина безглавная глава надо всѣми, противникъ Христовъ, Антихристъ. На уготованное ему мѣсто Царской престолъ приде по числу своему во свое ему время, на кончину временъ; ибо Петръ Великій всея воли и злобы Са- танины исполнитель, родися по отступленію св. Вѣры, въ 1672 г., отъ Царя Алексѣя Михайловича, не имѣющаго уже на себѣ Царскаго достоянія Яко же бо онъ преступи законъ Божій, яко же Іуда предатель отъ лика Апостольска отпаде, тако и той отсѣчеся отъ колѣна Царскаго, яко же Кириллъ Іерусалимскій, въ знаменіи 10, пишетъ: Ни отъ Царей, ни отъ Царскаго рода, воздержитъ Царство, но прелестію восхититъ власть; тако и той нѣсть отча и дѣдина престола наслѣдникъ, восхотѣлъ престола Римскаго, сирѣчь, пріемникъ Римскія Вѣры, яко же дивія лоза отсѣчеся отъ винограда, отъ св. Православныя Вѣры, и родивъ сего сына погибельнаго, Петра, отъ вторыя, жены, Наталья Кириловны, яко же свидѣтельствуютъ о томъ Анекдоты томъ 10: егда бо сочетася Царь Алексѣй Михайловичъ вторымъ бракомъ отъ Фамиліи Нарышкиныхъ съ Натальею Кириловной, въ 1672 году, Августа 28 день, на память честнаго и славнаго Пророка Крестителя Іоанна, и зачатъ сего сына, Петра, въ ту нощь, небеса же комету въ себѣ показаша, юже волхвы усмотрѣвше, Симеонъ Полоцкій и Дмитрій Ростовскій, и въ день 29 по утру приходятъ къ Царю въ палату, яко же волхви ко Христу, и поздравляютъ его съ зачатіемъ сына и нарекаютъ имя ему Августъ, яко отъ Августа мѣсяца пріялъ зачатіе, и по образу Августа Кесаря возобладаетъ. И паки Пахомій Великій: Да будетъ и Петръ камень: той бо Скиѳскія народы обладаетъ; изволяяй, да чтетъ о томъ Анекдоты томъ 10. И тако той мучитель, Царь Алексѣй Михайловичъ, скончася въ 1676 году, а послѣ его въ третьихъ воцарися на престолѣ Всероссійскомъ, сынъ беззаконный, Антихристъ, противникъ Христовъ, вознесеся и возвысися паче всякаго глаголемаго Бога, яко же Кириллъ святый, въ знаменіи 8 и 9 свѣдѣтельствуетъ. Аще ты же зри, что уже было и что еще имать быти, яко св. Пророчицы прорекоша намъ многообразно о противникѣ. Мы же, сматряюще недремательнымъ окомъ, познаваемъ, яко отъ лѣтъ, по числу 1666, конецъ пріяша прореченія ихъ, а совершенное же всея злобы исполненіе исполнися на Петрѣ, яко же Даніилъ въ главѣ 7 глаголетъ: Звѣрь четвертый гордъ и страшенъ и ни единому неподобный, всю Божію и святыхъ его истину восхощетъ превратить, злыми дѣлы и всѣхъ первыхъ превзыдетъ, и святая вышняго смирить, и помыслитъ премѣнити времена и законъ. И тако обновится и укрѣпится новая вѣра Жидовская, новымъ помазанникомъ ложнымъ Мессіею, противникомъ Христовымъ, Петромъ, его же злобы и хуленія на Бога Вышняго недостанетъ ми время вся подробну повѣдати, и Даніилово пророчество исполнися на немъ: Отверзе уста своя звѣрь той въ хуленіи на Бога Вышняго; нача себе величати и славити, возвышаясь надъ всякаго, о возобновленіи въ 1700 году собра весь свой поганскій синклитъ, въ 1 день Генваря мѣсяца, и постави храмъ идолу Ветхо-Римскому, Янусу, и предъ всѣмъ народомъ нача творити чудеса, чрезъ діавола, подъ видомъ фармазiи, и вси воскликнуша ему единогласно: Виватъ, виватъ Новый Годъ! и отъ того дни разосла своя Указы во всю Россію повелѣ праздновати Новое Лѣто, яко же Господь нашъ Іисусъ Христосъ во осьмый день по Рождествѣ обрѣзаніе пріемлетъ по плота, исполняя таинство, яко же свидѣтельствуетъ канона пѣснь 1ст. 2: Сице обрѣзаніе пріемлетъ, Христе, своего Рождества вѣчную сѣнь отрясе, свѣтъ воэсія новыя благодати; тако и той лукавый лстецъ, въ той же день, по исполненіи своея злобы, возвѣщая имъ свою новую благодать. И паки стихъ 6 пѣсни: Пріятъ кончину законъ, отнележе Христосъ младенчествовалъ исполнитель закону сый, обрѣзаніе пріятъ законную клятву; тако же льстецъ, исполняя свой весь погибельный законъ, и разрушая законную Святыхъ Отецъ клятву, иже на первомъ Вселенскомъ Соборѣ положила праздновати Новое Лѣто въ 1 день Септемврія мѣсяца: Аще кто инако начнетъ творити, да будетъ проклятъ. Онъ же, змій лукавый, разрушая сію законную клятву, исполняя свой пагубный законъ, во осьмый день таинства Христова, и той исполняя свое таинство, нача праздновати Новое Лѣто. И паки пѣсни 8 ст. 1: Во b осьмый день обрѣзывается владыка, Ісусово же именованіе пріемлетъ, яко міру есть Спасъ и Господь; тако и той, сынъ погибельный, Петръ, при ономъ своемъ Янусовскомъ собраніи, поздравленъ н принятъ за Императора Августѣйшаго, сирѣчь, надо всѣми обладателя, яко же свидѣтельствуетъ Ипполитъ: По всему хочетъ льстецъ уподобитися Сыну Божію. Оле бѣды жизни нашея! О благоразумная чета! Вонмите эдѣ, кому ежегодно празднуется Новый Годъ, то нѣсть, а и симъ сущимъ идолъ храму, со Вседержителемъ, ратующему, Петромъ устроенному, со идоломъ Янусомъ и страннымъ осьмотысячнымъ Сатурномъ. И како зримъ на сей день идолопоклоненіе съ поздравленіемъ Новаго Лѣта, и мы вси въ чьихъ лѣтехъ жительствуемъ? Не всякому ли въ производствѣ письменныхъ дѣлахъ, а наипаче таковаго Новаго Года, свободно путь провождаемъ, по даннымъ пашпортомъ именемъ Сатанинымъ? Оле бѣда! Въ каковой силѣ отъ Духовенства, при открытіи Янусовскаго сего года, проповѣдь? ибо всѣ Господни лѣта истреблены, а Сатанины извѣщены. Воистину исполнися здѣсь тайнозрительное откровеніе и власть перваго звѣря всю творити предъ нимъ, и творяше землю; и вся живущія на ней, да поклонятся первому звѣрю, Сатанѣ, глаголя:. Рѣши мое дѣло, покорно прошу пожаловать оашпортъ! онъ отвѣщаетъ: Отдай подушное съ Новаго Году, и еще нѣтъ ли нпыхъ недоимокъ, ибо на моей земли живешь. Оле яма глубока погибели рода человѣча! Патерикъ Азбучный глава 4: Во Антихристово время удалитися и бѣгати отъ еретическихъ жертвъ прескверныхъ, по Христову словеси реченному, да не тщатися кто, рече, въ Антихристово пришествіе снабдѣти душу свою, въ мірѣ живущи, погубитъ ю, не покорився мучителю животолюбія ради, понеже во днѣхъ оныхъ тѣло и кровь Христово не имать явитися; понеже писано во Откровеніи Іоанна Богослова, во главѣ 12, яко церковь побѣжитъ въ пустыню отъ рода прелестника; а церковь, правовѣрніи Христіане, истинніи раби Христовы, побѣжать въ горы и въ вертепы, и пропасти земныя, отъ Антихристовы прелести, и спасутся; аще не тако, то вси уловлени будутъ злокозненнымъ Анхристомъ и погибнутъ вѣчною погибелію. Аще пойдутъ дерзновенно предъ мучителя и страдати имутъ по Христовѣ вѣрѣ не уклонно, а не покорятся мучителю, животолюбія ради, чтобы вѣчною погибелію не погибнути, а въ мірѣ живущій, съ міромъ конечно вси уклонятся въ прелесть Антихристову и погибнутъ, а не спасутся никако же Книга Кормча листъ 6: Патріарше имя ни что же именуется, токмо отцемъ отецъ, или истѣе рещи, отценачальникъ, сущимъ подъ нимъ глава и пастырь и святитель крайній или высочайшій, еже убо во Грецѣхъ глаголется патеръ, т. е., нашимъ языкомъ отецъ, архъ же начало, вкупѣ рещи отценачальникъ. Отъ Псалтыри Толковыя сице: яко се врази твоя возшумѣша, и ненавидящій тя воздвигоша главу. Толкованіе Кассіодорово: Сей стихъ ко временемъ Антихристовымъ прилагается, егда врази Божіи воплемыми развращеніи возшумятъ. Восшумѣша бо, рече, и не рече, глаголаша, да ихъ нарекутся словеса человѣческа быти, иже гласовъ словесныхъ не имѣша: глаголется воздвигоша главу ко всѣмъ безумнымъ, едина глава есть Антихристъ, сущее рѣша: пріидете, потребимъ, и не помянется имя Израилево ктому. Толкованіе Кассіодорово: и таково умышленіе имѣть будетъ Антихристъ, да Христіянское имя отъ вселенныя земли загладится. Изъ книги Меѳодія Патарскаго отъ слова 63: «Въ послѣднее время вопросятъ дани отъ мертвыхъ, яко и отъ живыхъ: въ то время людіе отрекутся Православныя вѣры, и св. Крещенія, и Честнаго и Животворящаго Креста Господня, безъ мукъ, и безъ ранъ, и безъ біенія, а не хотящій тогда отрещися отъ святыя истинныя Православныя Вѣры, и св. Крещенія, и Честнаго Креста Господня, овы въ домахъ своихъ сожигающеся, а иные въ рѣкахъ и во езерахъ утопающеся, а иные съ храминъ убивающеся, и сихъ вмѣнитъ Богъ въ мученики. Изъ ГранограФа: «Тогда, святіи бѣгати будутъ отъ востока на западъ, отъ запада на востокъ, инымъ же крыющимся по горамъ и пещерамъ, вездѣ же ихъ мерзости гонящи по земли и по морю, погубляя ихъ всячески, изгоняя изъ міру, немогущи имъ ни продати что отъ своихъ, ня купити, аще не имать звѣрина знаменія на челѣ, или на руцѣ, вся бо тогда отъ своего, мѣста изгоними будутъ, отъ домовъ своихъ, и отъ градовъ своихъ въ темницы влечени будутъ; глаголетъ Господь: Молитеся, да не внидете въ напасть ниже бѣгство ваше, въ зимѣ будетъ, ни паки въ субботу.

Господи Ісусе Христе, Сыне Божіи, помилуй насъ, вѣрующихъ въ Тя, и помози намъ, грѣшнымъ, соотвѣтствовати вопрошающимъ насъ во имя Господа нашего Ісуса Христа. Объявляемъ вамъ, предсѣдящіи вопросители или судители сихъ временъ. Днесь, аще убо есмы Христіане, вѣруемъ въ Господа нашего Iсуса Христа и Спасителя міру единомысленно и единодушно со святыми Отцы Седьми Вселенскихъ Соборовъ и Девяти Помѣстныхъ, и со св. Отцы Соловецкія обители, пострадавшими за древнее благочестіе и за исповѣданіе правыя вѣры при Царѣ Алексѣѣ Михайловичѣ и при Патріархѣ Никонѣ, въ лѣто 7177. Того исповѣданія и мы держимся и Христа Спаса нашего, законъ и повелѣнія соблюдаемъ. Того ради и въ книги законопреступнаго повелѣнія писатися не ищемъ, и въ силу Указа вашего Императора и его законоуложеніи и ревизіи не пишемся, да и писатися никогда не хощемъ, понеже видимъ во Святомъ Писаніи, яко прежде бывшій въ Россіи благочестивіи Царiе, Иванъ Васильевичъ, и Ѳедоръ Ивановичъ, и Михайло Ѳедоровичъ, и Алексѣй Михайловичъ, бывшій при благочестія до Никонова Патріаршества, яко сіи вси народнаго начисленія отъ мала и до велика, мужеска пола и женска, живыхъ и мертвыхъ, и всего обще человѣчества описанія не творили, и оставляли то въ судьбы правительства Всемогущаго Бога. Егда же, по пророчеству Ездрину, отломися отъ винограда Христова лоза, сирѣчь, отъ Царскаго благочестиваго племени и, отъ вѣры Православныя, юже содержаще вси Царіи благовѣрніи, Алексѣй Михайловичъ отступи и всю Церковь Христову отъ благолѣпія обнажи, и вся преданія святоотеческія, разруши, и бысть вмѣсто Царя, мучитель, вмѣсто владыки ратникъ, на самаго Царя Небеснаго рать воздвиже и на православныхъ Христіанъ веліе гоненіе, и тако томя многихъ, и муча, и Смерти предай, истребляя въ Россія Православну Вѣру, а тако злѣ скончая свой маловременнный животъ; изволяяй, да чтетъ о томъ Исторію Соловецкую А послѣ его въ третіихъ возцарствова сынъ его первородный отъ втораго беззаконнаго браку, Петръ, н помазася на престолъ Всероссійскій отъ Рима, Жидовски по закону Римскому, отъ главы и до ногу, и егда же, по пророчеству Даніилову, возвысися и возвеличися надъ всякаго глаголемаго Бога или чтилища, сирѣчь, помазанника, Царіе бо, Іереи и Архіереи, по Евангелію, Хрнсти именовашась, и той Лжехристосъ и помазанникъ Жидовскій, Царь пріиде на престолъ Всероссійскій въ 1721 году, принялъ ня себя титлу Патріаршескую, назвася Отцомъ Отечества н Императорства Августѣйшаго н обладателя многихъ странъ и народовъ, и такъ нача паче мѣры возвышатися той лжепомазанникъ, и восхити на ся, не точію Царскую власть, но и Святительскую н Божію; яко же Папа въ Римѣ, тако и сей лжехристосъ нача гонити и льстити н искореняти останокъ въ Россіи Православныя Вѣры, и свои новыя умыслы уставляя и нова законоположенія полагая, по духовному и по гражданскому расположенію, состави многія регламенты и разосла многіе указы во всю Россію съ великимъ угроженіёмъ о непремѣнномъ исполненіи оныхъ, н уставы Сенатъ и Синодъ, и самъ бысть надъ ними главою и судіею главнѣйшимъ, и тако нача той глаголемый Богъ, паче мѣры возвышатися. Той же лжехристосъ сіе содѣла отъ гордости живущаго въ немъ духа, учиня народное описаніе, начисляя вся мужеска пола и женска, старыхъ и младенцевъ, и живыхъ и мертвыхъ, возвышайся надъ ними и изыскуя всѣхъ, Дабы ни единъ могъ скрытися рукъ его, и облагая ихъ даньми веліими, не точію на живыхъ, но и на мертвыхъ. Таково тиранство учини и съ мертвыхъ дани востребова, сего и въ древнія времена бывшіе мучители не творили. И тако, по описанію Меѳодія ПаТарскаго, сбыстся: въ послѣднее время вопросятъ дани отъ мертвыхъ, яко и отъ живыхъ. Егда же той Императоръ, или Монархъ, сирѣчь единоначальникъ или единовластитель, народное описаніе учини, называя то ревизіею или исчисленіемъ душъ человѣческихъ, которыя приняли его за Императора или повелителя и за единовластнаго правителя и пастыря, яко же свидѣтельствуетъ книжка «Дополненія его Дѣяній»; изволяий, да чтетъ тако. Мы отъ Христа Спаса научихомся законъ и заповѣди его сохраняти и Вѣру святую блюсти, и таковому лжехристу въ послушество отдатися нехощемъ, и въ книги его законнопреступныя писатися съ нечестивыми никогда не будемъ, да и хотящимъ спастися никому не совѣтуемъ. Творите съ нами, что хощете, ибо есмы Христіане единаго исповѣданія Седьми Вселенскихъ Соборовъ Святыхъ Отецъ и святыхъ страдальцовъ Соловецкія обители, пострадавшихъ за древнее благочестіе того исповѣданія и мы держимся и въ книги ваши законопреступныя, гражданскія описи, съ нечестивыми не пишемся, ибо мы отъ святаго крещенія записаны есмы въ книги животныя у Царя небеснаго на небесѣхъ. Зрите, человѣцы, и вонмите и разсмотрите по Святому Писанію, въ коихъ лѣтахъ жительствуемъ и кто нынѣ обладаетъ вами; ибо духъ Петровъ царствуетъ во всѣхъ до скончанія вѣка, яко свидѣтельствуетъ книжка «Кабинетъ Петра;» ибо духъ Государей Россійскихъ есть духъ Петра Великаго и есть-духъ самаго Бога. Зримъ, како духъ его богоборной во всѣхъ властодержцахъ дѣйствуетъ и дѣйствовати будетъ до скончанія вѣка, егда пріидетъ Господь съ судомъ вселеннѣй, и убіеть таковаго гордаго властителя духомъ устъ своихъ, и упразднитъ злобу его явленiем пришествiя своего, яко же пишетъ о немъ св. Апостолъ Павелъ въ зачалѣ 275 сице: Яко аще не пріидетъ отступленіе прежде, откроется человѣкъ грѣха, сынъ погибели, противикъ, и превозносяся надъ всякаго глаголемаго Бога, или чтилища Разумѣемъ по Св. Писанію, что глаголетъ: аще не пріидетъ отступленіе прежде, и откроется человѣкъ грѣха, сынъ погибельный, противникъ, Антихристъ. Прежде пріиде отступленіе Царемъ Алексѣемъ Михайловичемъ въ 1666 году, и потомъ по отступленію его отъ вѣры Христовы, скончася супруга его, Марья Ильнишна, и поя себѣ въ жену Наталью Кириловну, и сочетася бракомъ эаконопреступнымъ, и роди сего сына погибельнаго, сирѣчь, противника Христова, и всего благовѣрія нарушителя, и всей злобѣ погибельной исполнителя, яко же толкуетъ Іоаннъ Злотоустый, святый вселенскій учитель: Кто убо сей есть? Убо ли сатана? и разсуждаетъ сице: никако же, но человѣкъ нѣкій всякое его пріиметь дѣйство, сирѣчь, Сатанино дѣйство воспріиметъ богопротивно, и ополчися на завѣтъ, святый, яко же и Даніилъ пророкъ о четвертомъ звѣри въ видѣніи пишетъ.: Звѣрь четвертый гордъ и страшенъ; ни единому не подобный; ополчися на завѣтъ святый, времена и законъ премѣнити размыслить; кто разумѣетъ тайныя его ловитвы? Петръ Великій всея'злобы исполнитель, Богомъ преданный на первомъ Вселенскомъ Соборѣ Индиктъ или Новое Лѣто, преведе съ Септемврія 1-го на Генваря 1-ое число, въ славу свою и въ честь имени храма Янусова. Оле великая неразсмотрѣнія! Како сей дерзну завѣтъ святый нарушити, иже Св. Отцы установиша, Индиктъ, превратити, и именова себе Монархомъ Августѣйшимъ, по образу Августа Кесаря единовластвующаго на земли! И тако той лжехристосъ, восхитивъ на себя Царскую и Святительскую власть, и вступи на высочайшую степень Патріаршескую, яко свидѣтельствуетъ о томъ изданная имъ книга «Регламентъ Духовный,» листъ 3, въ 9-ти пунктахъ: како- и для чего уничтожи Патріаршество, Дабы ему единому властвовати, не имѣя равна себѣ, но, вмѣсто того, уставя Синодъ или Синедрiю, содержащую въ себѣ правленія духовныхъ дѣлъ, имѣя въ себѣ 12 членовъ, 4 Ассесора, 2 Президента, 2 Вице-Президента, и утверди ихъ седьмоклятвенною присягою, дабы, кромѣ его единаго, ни какихъ дѣлъ не творити, но имѣли бы его единаго превысочайшею главою и судіею всея Церкве; и тако, по Ипполиту, совершенъ соборъ ученикъ себѣ воспріятъ по образу 12 Апостоловъ Христовыхъ, и самъ единъ безглавная глава, превозносяйся надо всѣми, яко же и Ефремъ Святый пишетъ: Вси вкупѣ во единой, воли будутъ. И паки той же лжехристосъ, восхищая на себя Святительскую власть, именовася Отцомъ Отечества, ибо Патріаршее имя именуется, по слову Правыя Вѣры (гл. 19) Отецъ Отцовъ всего свѣта; тако и той и именовася Отецъ Отечества; и паки: восхищая себѣ превысочайшую славу Сына Божія, первенство Господа нашего Ісуса Христа, яко свидѣтельствуетъ Апокалипсисъ глава 1: Азъ есмь алФа и. омега, первый и послѣдній, не имѣя ни начала дней, ниже конца вѣкомъ; и тако той лжехристосъ, восхищая на себя славу Сына Божія превысочайшую, именовася Петръ Первый; и прочіе по немъ тако же именуются. И паки именовася Божествомъ Россіи, яко же свидѣтельствуетъ книжка «Кабинетъ Петра,» листъ- 2: Юнъ Богъ твой, о Россія! Онъ члены взялъ въ тебе плотскія, сошедъ къ тебѣ отъ горнихъ мѣстъ; ибо онъ древній змій, Сатана, прелестникъ, сверженъ бысть за свою гордыню отъ горнихъ Ангельских чиновъ, сошедъ по числу своему 1666, взявъ члены себе плотскія, яко же Св. пишутъ ЕФремъ и Ипполитъ: Родится сосудъ скверный отъ жены, и Сатана въ него вселится, и начнетъ творити волею своею. И Андрей юродивый въ 44 пишетъ: Сотворитъъ ему Господь Богъ сосудъ скверненъ и скаредія исполненъ, и возмужавшуся человѣку его, лестію пріемшу царство. И тако той, по Святыхъ прореченію, скверный сосудъ, Петръ, родился 1666 отъ беззаконнаго новаго Жидовина, Царя Алексѣя Михайловича, а Сатана: въ него вселився самъ собою, по онаго воли нача действовати. И паки: той же лжехристосъ, возвышаяся надъ покорившимися ему заручкою-грамотою, присягою и цѣлованіемъ креста, именовася Императоръ, сирѣчь, тѣмъ, кои приняли его за истиннаго пастыря: образъ пріиметъ прелестникъ, хищный волкъ скрыся въ овчую кожу и скры пагубное свое имя подъ литерою М, а прочій слогъ по азбуцѣ содержитъ число имени его 666 Императоръ; въ ономъ словѣ, кромѣ излишнія оныя литеры, замыкается число 666; пагубнаго имени его, яко же свидѣтельствуетъ Апокалипсисъ: яко имать писать имя свое тайное, въ купляхъ и продаяніяхъ, его никто же отъ земныхъ и мятущихся въ вещѣхъ житейскихъ не увѣдаетъ сими словесы 666. Не изволи бо божественная благодать пагубнаго имени его въ книгахъ написану былъ во образѣ же обученія можетъ кто обрѣсти, по Ипполиту и Иринею, имена, число сіе объемлющее: «титинъ, лампетисъ, маѳметисъ, фармазіи, венедиктосъ;» время бо открываетъ и искусъ цѣломурдствующимъ, яко же свидѣтельствуетъ книга Баронія, слово 15 о Антихристѣ: Той прелестникъ сый, наречетъ свое ему пагубное, имя скверное, отъ вѣка не слышимо нигдѣ же во всѣхъ родѣхъ. До здѣ отъ Баронія. Во истину, нигдѣ же не слышимо отъ вѣка именованія сего: Императоръ отъ Рима иэыде, да къ намъ, въ Россію, пріиде. И тако той злый сосудъ Сатанинъ, Императоръ Петръ, всея воли Сатанины исполнитель, по совершенномъ своея злобы мсполненія, въ 1706 году разосла многіе Указы и законопреступныя повелѣнія, во всей Россіи повелѣ праздновати новое лѣто каждогодно, во вся времена, въ 1 число Генваря мѣсяца, ратуяся со Святыми Седьми Вселенскими Соборами, иже Св. Отцы на первомъ Вселенскомъ соборѣ, при благочестивомъ Царѣ Константинѣ, во вся предыдущая времена праздновати св. Церковiю ежегодно до скончанія вѣка въ 1 день Септемврія мѣсяца Новое Лѣто, яко начатокъ свободы Христіанскія отъ тяжкаго Августа Кесаря, начисляя вся мужеска пола и женска, облагая ихъ даньми веліими, не точію на живыхъ, но и на мертвыхъ, яко свидѣтельствуетъ о томъ преподобный Меѳодій Патарскiй въ словѣ 66-мъ: Въ послѣднее бо время Антихристъ вопроситъ дани отъ мертвыхъ, яко и отъ живыхъ; и паки ниже: Антихристъ весь міръ данники сотворитъ, по записанiю въ своя книги дань съ душъ человѣческихъ.

Отъ великаго неразсмотрѣнія и крайнія погибели человѣческія, Антихристъ, по записаніи въ своя книги, требуетъ со своихъ вѣрноподданныхъ дани душевныя. Что же есть душа? Душа бо есть невидимаго существа Божій образъ, дебельствомъ плоти одѣяна, невидима и неосязаема, должна есть приносите Создателю своему дань душевную, вѣру правую, надежду несомнѣнную и любовь нелицемѣрную; сынъ же погибельный уби сію трисвятую добродѣтель и насади, вмѣсто того, невѣріе, безнадежіе, нелюбовь, яко же свидѣтельствуетъ Ефремъ Сиринъ: Вложитъ страхъ, пренемоганіе и люто невѣрованіе въ сердци человѣкомъ. И Ипполитъ Св. въ словѣ 3 пишетъ сице: Омрачитъ многи души, сотворитъ бо себѣ начальники отъ бѣсовъ; то и св. Ефремъ пишетъ: Приставникъ бо приставитъ творити волю его на всякомъ мѣстѣ. А иже на Римское начальство, яко же нынѣ видимъ, не Цари Царя избираютъ, или поставляютъ, но духовныя духовныхъ, на Монархію Римскую, на Царскую власть свѣта сего перекладаютъ, иже Божію на себя восхитивъ, и по всему міру расширяютъ, и держатъ, и предадутъ оному послѣднему Князю міра сего, Антихристу; и ниже: яко Антихристъ онъ, яко же нынѣшній его предтечи, вознесется и возвысится паче всякаго глаголемаго Бога, или чтилища; и не глаголетъ напрасно «паче Бога,» но «паче всякаго глаголемаго Бога,» еже есть паче всѣхъ Царей земныхъ, иже суть прозвани, а не бѣяху суть бози. Царіе бо іереи глаголеміи боэи и христи именовахуся, яко свидѣтельствуетъ Максимъ преподобный, Грекъ, въ книгѣ своей, во главѣ 30: Царь есть ни что же ино, точію живъ образъ одушевленъ самаго Царя небеснаго, сирѣчъ, живъ предъ нимъ; и ниже, статья 24: Остави бо 99 овецъ незаблудшихъ, и сниде на землю искати погибшаго овчата, человѣча рода, и остави по себѣ пастырей, Царіе, Святителей, да отечески и вдадычески прилежатъ и пекутся о душахъ ихъ. А нынѣ отъ лѣтъ, по числу своему 1666, пріиде злый вождь, неправедный, Царь Жидовскій, ложный Мессія, лжехристосъ, одушевленъ образъ самаго Сатаны, яко же Ефремъ Сиринъ свидѣтельствуетъ. Яко тать и прелестникъ есть Антихристъ, хощетъ пріити во своя времена, хотя украсги, убити и погубити Божіе стадо избранное, истиннаго пастыря образѣ пріиметъ, да прельстить овецъ стада. Ибо Петръ Великій, всея злобы и воли Сатанины исполнитель, вознесеся и возвысися паче всякаго глаголемаго Бога, или чтилища, по Ефрему Сирину: Яко тать лжею говенiя, пріиди на престолъ Всероссійскій, яко же и самъ, веле хваляся о себѣ, гдаголеты Сирымь былъ отецъ, странствующимъ пристанище, бѣдствующимъ помощникъ, обидимымъ избавитель, насилуемымъ свободитель, для скорбныхъ и престарѣлыхъ учредилъ гошпиталь, для малолѣтнихъ училища, неполитичной народъ Россійскій въ краткое время сдѣлалъ политичнымъ и во всѣхъ знаніяхъ равной Европейскимъ народомъ, Азію съ Европою чрезъ протесты дольные пути на кратчайшія содѣлалъ, великую коммерцію учредилъ, Государство распространилъ, восхищенное воззвратилъ, разсыпанное возставилъ, уничтожаемое прославилъ, ветхое обновилъ, не имущее создалъ, спящихъ въ невѣдѣніи возбудилъ, немощныхъ въ силѣ укрѣпилъ, лѣнивыхъ къ труду подвигнулъ, буихъ умудрилъ, чины и степени и порядки благаго житія образы насадилъ, своимъ трудомъ отъ идолослуженія и отъ богомерзкаго раскола и безумнаго атейскаго мудрованія, до двумиллионовъ душъ во благочестіе обратилъ, многія суевѣрія истребилъ, чинъ духовный къ паствѣ и проповѣди слова Божія способнейшимъ учинилъ, о должностяхъ издалъ Духовный Регламентъ, учредилъ Сенатъ, кормило Государственное и уставы,; права и законы утвердилъ крѣпкими указы о непремѣнномъ исполненіи оныхь, учредилъ Академіи, школы, училища, Фабрики, во всемъ имѣлъ умѣренность, ни въ чемъ недостатку не имѣлъ, ниже въ Величествѣ и въ великославныхъ дѣлахъ.

Петру Великому отъ начала міра никто подобенъ не былъ, яко свидѣтельствуютъ о немъ друзiи. Звѣрь той гордъ и страшенъ, ни единому не подобный, о чемъ онъ и самъ о своемъ достояніи сице вопіетъ: Зиждитель міра искони положилъ своими судьбами прославить въ наши дни. Онъ послалъ въ Россію человѣка, каковъ не слышимъ былъ отъ вѣка, сверхъ всего препятства вознесъ онъ главу, побѣдами вѣнчану, Россію коварствомъ попрану, вознесъ до небесъ. Стихiи сами объявляютъ, чего всѣ Россы ожидаютъ. Зри, Православный читателю, кто онъ ость, и самъ о себѣ открываетъ, вся дѣянія ясно представляютъ, которому вся Росеія, преклоня колѣна, глаголетъ: Кто подобенъ звѣрю и кто можетъ ратоватися съ нимъ? Во истину никто же, иже въ мірскихъ вещѣхъ мятется и умъ свой пригвожденъ къ нимъ имать. Аще бо кто озвѣрившемуся тому Антихристу повинется, и злочестивое житіе его содержитъ, оному изображающе, или словомъ, или дѣломъ Бога его проповѣдаетъ; се бо и сказуетъ печати его даемое начертаніе на челѣ и на деснѣй руцѣ; аще кто пріиметъ печать его, той области не имать знаменатися знаменіемъ Христа Спасителя своего, но прелестнику приложится и тому единому послужитъ; всяко погибе той отъ Бога и отъ человѣкъ... Како нынѣшній разнаго вѣроломства сектари хвалятся имѣть , вѣры своя быть, правыми, возносятъ гласы своя до небесъ: Миръ и тишина охъ Антихриста намъ даны, разныя секты водить, не ;вѣдуще Святаго Писанія, въ - ересяхъ .блудятъ. За то окаянный льстецъ уступилъ, имъ быть въ полной свободѣ, что ни единъ изъ нихъ былъ противенъ воли его, и вси послѣдовали въ слѣдъ лукаваго того звѣря, обоготворяли его и приняли съ клятвенною присягою, богопомазаннымъ боговѣнчаннымъ, боговѣнчаннаго Христа, а сущаго лжехриста. О бѣдные бѣдняки, разныхъ вѣръ сектари! Гдѣ вы умъ свой потеряли, за таковаго лютаго звѣря, Антихриста, закононреступно присягали, и крестъ за него цѣловали, и въ его погибельныя книги вѣрноподданными рабы и слуги себя писали, и тѣмъ присяганіемъ и ложнымъ креста цѣлованіемъ обоготворили Антихриста и отступили отъ Господа Нашего Ісуса, Христа святыя Православныя вѣры? По Ипполиту, и по Ефрему Сирину: не имѣете область не точію держати вѣры правыя, но ниже имѣете, область знаменатися знаменіемъ Христа Спасителя своего, о чемъ Апостолъ, вопія, глаголетъ: Имуще образъ благочестія, силы же его отрекошася. Аще бо кто Антихристу поклонится, или предаётся, той царствія небеснаго не наслѣдитъ. Того ради окаянный льстецъ умолче, понеже всѣхъ, въ сѣти своя уловилъ, широкою дорогою и самовластнымъ житіемъ прельстилъ всѣхъ, яко же самъ Господь рече: Востанутъ бо лжехрнстя и лжепророцы, ложніи христы и помазанники царіе, іереи, ложніи пророцы, по Іоанну Златоустому, являюще на себѣ видъ благовѣрія, а силы его отрекошася, и мечтаніемъ творяще явленія предъ, очима зрящимъ сирѣчь, привидѣніе показующе и блазнену вѣру проповѣдающе: Здѣ Христосъ, онде Христосъ, а всѣмъ безумнымъ едина глава есть Антихристъ, а вси разнаго вѣроломства сектари, по онаго воли своя дѣла творяще, яко уди во единомъ тѣлѣ и подъ единою главою; ибо Святіи, предзряще духомъ о послѣднемъ неистовомъ родѣ, ужасающеся послѣднихъ случаевъ, болѣзненно описоваху, глаголю ще: будетъ бо скорбь велія, якова же не бывала отъ начала міра, и потомъ не будетъ яко же Исаія вопіетъ сице: Дни будутъ во Израили безъ Бога истиннаго и безъ Священника учащаго, и безъ закона исправляющаго; въ человѣцѣхъ нѣсть и разумѣваяй во время оно умолкнетъ, яко время зло есть, яко св. Ипполить пишетъ сице: Навыкни иже сущимъ тогда во градѣхъ и въ селѣхъ, каково лѣто время и дніе будутъ, на кійждо бо градъ възаконенія своя пошлетъ скверный, съ бѣсы же и съ чувственными человѣки. Намъ же подобаетъ писанная Святыми не въ забвенiи полагати, и съ усердіемъ всему внимати, и противнича прихода назирати, како и откуда пріидетъ и гдѣ воцарится; понеже, по Святыхъ Писанію, сугубъ восписуется быти Антихристъ, чувственный, по земному и чувственному сѣдѣнію области земныя, тако же и мысленный, чрезъ отступленіе нарицается Антихристъ, яко же и Златоустый сказуетъ: Понеже бо чувственный нареченъ бысть словомъ, и дѣломъ, и образомъ, строенія ради Сатанинскихъ дѣлъ и благочестію противныхъ. О преисподній Титинъ! Посѣя сѣмена своя на сердцахъ человѣческихъ, въ разумъ земный свелъ душевный и бѣсовскій тмѣ, и яко нощи и свирѣпой зимѣ уподобленный, того ради и пишется обратитъ день во тьму, еже и содѣла, иже Господа нашего Ісуса Христа лѣта премѣни воплощенія, отъя осмь лѣтъ по Даніилу, иже времена и законъ премѣни, помрачи и покры невѣдѣніемъ, яко вретищемъ власяномъ, яко же пишется: солнце угаснетъ, и луна не дастъ свѣта своего, и звѣзды спадутъ; тѣмъ пророкъ вопіетъ, глаголя, что уже исправляющаго въ человѣцѣхъ нѣсть; исправители же зміина времени, омрачивше тьмою умъ свой и оболкшеся въ хоругвь міра, утвержденіе мнятъ быти, глаголюще: Миръ, миръ! Се пріиде мечь даже до... В той день, вопіетъ Пророкъ, оскудѣютъ дѣвы добрыя и юноши въ жаждѣ, т. е., погасиша бракъ закона духовнаго со Христомъ, и по плоти къ возстановленію, по Исаіи, сѣмени, не разумѣюще сего смутишася вси неразумніи сердцемъ, уснуша сномъ своимъ, и ничтоже не обрѣтоша богатства въ рукахъ своихъ. Въ таковыхъ Антихристъ сѣде, рекше, во отступницѣхъ словесъ Христовыхъ, но вѣрнымъ во истину вѣдомо, яко обыдоше нынѣ, по большому Катихизису, въ трехъ винахъ церковь Христову Антихристово воинство по вселеннѣй, отъ неразумія писаніе, дерзостію и хулою на законъ и истину Бога живаго. Древніи Іудеи, за непринятіемъ Евангельскія проповѣди, и донынѣ законъ Моисеевъ хранятъ, да и хранити будутъ до дне суда Господня: такожде и новоблагодатныя, по числѣ звѣриномъ, идѣже разсыпася рука людей священныхъ; потомъ восписуется, что служба угаснетъ и пѣніе не услышится, а идѣже таковое совершатися будетъ, рать съ самимъ Богомъ, яко рече Господь, глаголя: Радости и веселія ктому не услышится въ тебѣ, дщи Сіоня; яко истиною и судомъ навелъ еси сія вся на ны, грѣхь ради нашихъ; яко, Владыко, умалихомся паче всѣхъ языкъ, и есмы смиренни по всей земли днесь, грѣхъ ради нашихъ, и нѣсть во время се ни князя, ни пророка, ни вождя, ни всесожженія, ни жертвы, ни приношенія, ни кадила, ни мѣста, еже пожрети предъ Тобою и обрѣсти милость, но душею сокрушенною и духомъ смиреннымъ пріяти будемъ. Не внимая сему, нынѣшній родъ, вопіюще, глаголютъ славу и миръ въ человѣцѣхъ. Удивлялся Господь таковому миру, глаголетъ чрезъ пророка Іеремію: Исцѣляху сотреніе дщере людей моихъ, къ безчестію уничтожающе, глаголютъ: Миръ, миръ! Гдѣ есть миръ? И не бѣ есть мира, яко той же Іеремія сице вопіетъ: Взыде левъ отъ ложа своего; хищникъ людскій воздвижеся, исшелъ есть отъ мѣста своего, да поставитъ землю твою въ пустыню; оставили безъ обитателя на томъ, препояшитеся вретищемъ, плачите и рыдайте, яко отвращенъ гнѣвъ ярости Господни отъ васъ. Что сего свидѣтельства на нынѣшнее время яснѣйша, яко вси пророцы согласно вопіютъ: вретищемъ одѣятися, повелѣваютъ плакати и рыдати, а не пѣть и веселитися, яко же и Андрей Цареградскій пишетъ: плакати имутъ по островѣмъ дній 666, и аще кто по Проческому писанію не внимаетъ, таковыи Пророки убиваютъ, яко же древній Іудеи, писаніе держаще, писаніемъ осудишася. А намъ, Православнымъ Христіанамъ, подобаетъ всеусердно держатися отеческаго наказанія и Пророческаго писанія, да не осудимся съ древними Іудеи, но всегда подобаетъ намъ жизнь препровождати, по Пророческому гласу, во вретищѣ, и плачи, и во уединительномъ безмолвии, и пустынномъ пребываніи, яко Господь чрезъ Іеремію Пророка взывая, глаголетъ: Изыдите, людіе мои, изъ Вавилона падшаго, и не прикасайтеся нечистотамъ его, да неосуждени будите съ не ведущими Бога; яко же жена Лотова бѣжа, и обозрѣвся вспять, и бысть столпъ сланъ камененъ; тому же подобно и Ефремъ Сиринъ вопіетъ: и проліютъ рѣки слезъ со воздыханіемъ къ Богу Святому избавитися отъ змія, и побѣгутъ со тщаніемъ великимъ въ горы, и въ вертепы, и пропасти земныя, и спасутся; аще ли не тако, то вси уловлени будутъ Антихристомъ въ погибель. Сего ради Святіи могутъ избѣжати, яко всея печали житія сего отрекошася, всѣмъ бо имущимъ тогда боговидѣніе и Божій разумъ, разумно будетъ пришествіе мучителево, а имущимъ присно умъ въ вещѣхъ житія, неразумно будетъ; аще бо и услышитъ кто слово, то не имутъ. вѣры, обаче мерзитъ имъ, тогда бо въ истинное ученіе ни какую пользу будетъ, яко же Евангеліе вопіетъ; тогда человѣцы пространно живущіе ничтоже зла чаютъ, но и не вѣруютъ, еже имъ о чемъ кто случится глаголетъ, якоже при Нои и Лотѣ. О таковомъ лютомъ времени и неутѣшномъ Святіи писали, и путь тѣсный намъ къ царствію небесному показывали, и аще кто тѣхъ временъ 1666 достигнетъ, на брань съ самимъ діаволомъ выхадити повѣдаетъ; первіи бо мученицы съ человѣки брашеся, а иже при Антихристѣ, съ самимъ Сатаною очевидно братися будутъ. Како имамъ сіе разумѣти? Очевидную брань съ Сатаною, понеже діаволъ существо есть не видимо, а человѣкъ въ существѣ его аще бы увидѣлъ, живъ не можетъ быти. Сего ради и глаголетъ: очевидно братися имутъ съ тѣмъ, иже образъ его возложитъ на ся и всю волю Сатанину исполнять будетъ. Сего ради и глаголется сынъ погибельный, самъ погибнетъ и иныя наслѣдующія ему погубитъ, яко же глаголетъ о немъ Даніилъ: паче всѣхъ возвеличится, и Бога Маозія на мѣстѣ своемъ возславитъ. Вонмите здѣ вси, послѣдующіе Янусовскому Новолѣтію и поклоняющiеся чрезъ Янусовское новолѣтіе Маозію! Ибо онъ лютый звѣрь всея злобы и воли Сатанины исполнитель, Петръ, по совершенномъ всея злобы своея, яко Святіи Отцы тогда на Первомъ Вселенскомъ Соборѣ, при Царѣ Благочестивомъ, Константинѣ, уложиша и запѣчатлѣша, и сице написаніе; Аще кто дерзнетъ разрушити, да будетъ проклятъ; Великій въ злобѣ, Петръ, и всея воли Сатанины исполнитель, дерзну клятву разрушнти и уставы Святыхъ попрати, разосла свои богопротивныя узаконеніи, повелѣвая и по гражданскому производству дѣлъ, чтобъ писать лѣта, начиная съ 1-го Генваря, яко свидѣтельствуетъ книжка «Дополненія Петра дѣяній.» Сего ради мы, Христіане, отъ Христа Спаса научихомся и отъ святыхъ его ученикъ и намѣстникъ, дабы не пріимати ложнаго, яко истиннаго, лжехриста за истиннаго Христа и за богопомазанника, развѣ за то, что вся уставы Святыхъ разрушилъ и восхитилъ на ся, не точію власть Царскую, но и Святительскую и Божію. Царскую восхити, понеже незаконно на престолъ помазася и именова себя Императоромъ, а Святительскую восхити, понеже именовася Отецъ Отечества и глава Церкви Россійскія, восхищая себѣ судъ духовный; а Божію власть восхити, сирѣчь, уставы Святыхъ разрушаетъ и законы Христовы превращаетъ. И о таковомъ Стефанъ Зизаній пишетъ, что вознесется и возвысится паче всякаго глаголемаго Бога, или чтилища, еже есть паче всѣхъ Царей земныхъ, иже суть прозванію, а не бѣяху суть бози, и заповѣди святыхъ сокрушитъ и своихъ умышленій заповѣсть держати. Изволяяй, да чтетъ Кирилову книгу о томъ знаменіи о противникѣ. Сего ради прещенія мы Св. Отецъ боимся, таковому славою міра самовластному пастырю въ послушество отдатися не хощемъ, и въ книги его самоумышленныя и законопреступныя писатися никогда не хощемъ, да и хотящимъ спастися никому не совѣтуемъ. По закону вашему судите насъ, и творите, что хощете, а мы, въ силу Указа вашего властодержца и его повелѣнія, не пишемся. Отнесите ему отъ насъ отвѣтъ, или представите насъ самихъ къ нему на лицо: тогда мы предъ нимъ отвѣщать не постыдимся и правду глаголати не устрашимся; ибо Россійскіе Императоры отъ Петра и до скончанія вѣка, вси пріемницы престола его исполнители законовъ онаго, разныхъ его узаконеній, живъ образъ его пишуще. Извѣстно вамъ буди, о власти Всероссійскія, яко вѣра святая, Христомъ съ небесъ снесенная и Св. Апостолами преданная, и святыми Седмію Вселенскими Соборами утверженная, и мученическою кровію свидѣтельствованная, въ Россіи, въ лѣто числа Звѣрева 1666, Царемъ Алексѣемъ Михайловичемъ и Патріархомъ Никономъ истреблена, а Римская и Латынская возобновлена, а наконецъ безъ вѣсти сотворена сыномъ его Петромъ, который, ревнуя Римскому преданію, гоня и муча вдревле отеческомъ преданію старовѣрцевъ, истребляя отъ земли память ихъ, называя ихъ раскольниками, и еретиками, и заблудниками, и погибшими, а самъ, сый раскольникъ, сирѣчь, не единомысленъ со Святыми, и еретикъ, сирѣчь, пріемникъ и узаконитель ересей Римскихъ, и Латынскихъ, и Жидовскихъ, и эаблудникъ, понеже праваго и истиннаго пути не позна, и погибшій, понеже сынъ погибельный именуется, по Святыхъ сказанію. Сице мы вѣруемъ и исповѣдуемъ, яко же свидѣтельствуетъ сія хартія, и по Христѣ Спасители называемся Христіане, понеже новыя вѣры Римскія и Латинскія не пріемлемъ; и есмы не раскольницы или сектоводцы, яко же сынъ погибельный глашаетъ, ибо расколу въ вѣрѣ со Святыми никакова не сотворихомъ и творить весьма ужасаемся; и не сектоводители, понеже отсѣканія отъ святыя Церкви не сотворихомъ, и не буди намъ, Православнымъ Христіяномъ, мыслите, чтобъ похулити данное Христово намъ святое наименованіе, еже зватися намъ по Христѣ Христіяне, ибо Христосъ работающимъ Ему правою вѣрою обѣща дати новое имя, еже зватися Христіяны. Сего ради мы не пріемлемъ ея отъ отца лжи, лживаго вашего Бога, осьмотысящнаго Ісуса, и его помазанника, лживаго Христа, за истиннаго не пріемлемъ, и законовъ его богопротивныхъ не слушаемъ, въ книги отступническія съ беззаконники не пишемся, понеже видимъ по Св. Писанію и изъясненію Соловецкихъ страдальцовъ, что у васъ отъ Р. Христа осмь лѣтъ убавлено. О Россіяне! По что у Христа украли лѣта и пишите сице лѣтосчисленіе 1819 годъ, а по числу святыхъ отъ Р. Христова 1829 годъ? Сего ради лживыми подписками весь родъ человѣчь въ погибель свели, а мы подо лживыя ваши лѣта не подписуемся. И по что паки вы лѣта превратили; Индиктъ отъ Септемврія 1 числа на Генварь 1 число, въ честь имени храма Янусова превели и называете то новымъ лѣтомъ? И тако отъ онаго лѣта, иже сынъ погибельный, Петръ, вамъ предаде, а вы держите, я насъ, грѣшныхъ, въ ту же погибель влечете, того ради вы подъ ложныя ваши лѣта осмотысячнаго князя тьмы не подписуемся, и не проповѣдуемъ съ вами купно ложное исповѣданіе ваше и прелестное Христовыхъ лѣтъ утаеніе; ибо таковое ложное всвовѣданіе Св. Отцы проклятію предаша, и мы послѣдуемъ ихъ ученію и преданію, проклинаемъ же и эаконопреступное утверждніе сына Сатанина, Петра, Великаго въ злобѣ, иже Даніилъ Пророк рече о немъ: звѣрь той страшенъ, ни единому не подобный, иже времена и законъ премѣнити размыслитъ; ибо Петръ I, а послѣдній воли Сатаниной исполнитель, ревнуя Еллинскому преданію, и честь идола Ветхоримскаго, устави лѣта числити 1-го Генваря, а называя то Новымъ Лѣтомъ, и утверди его ежегодно праздновать и торжественный молебенъ приносити за его, и утверди строгими Указы о непремѣнномъ исполненіи ономъ, разрушая завѣтъ вѣчный, преданія Св. Отецъ, иже положиша Святыи на 1-мъ Вселенскомъ Соборѣ, при благочестивомъ Царѣ Константинѣ, ежегодно праздновати Новое Лѣто Септемврія 1-го дня, яко же свидѣтельствуетъ Минея Четія. Сего ради мы, смиренніи, гордому оному звѣрю, обогащенному властію самовластнаго Правительства, и его Янусовскому Новолѣтію не послѣдуемъ, и не подписуемся подъ ложное Янусовское численіе лѣтъ, и Бога вашего, Ісуса ложнаго, не пріемлемъ, и всего преданія его душегубнаго отметаемся, а въ церковь его, Римскую и всѣхъ ересей пріемницу, не послѣдуемъ. Творите съ нами, что хощете, а мы преданія Св. Отецъ держимся, и настоящаго града, ни села не имѣемъ, но грядущаго взыскуемъ, вѣчнаго, и гордому, властію обогащенному, Князю вашему, властодержавцу, въ подданство не отдаемся, и въ книги беззаконныя не пишемся. Того ради, понеже прежде бывшія въ Россіи благочестивіи Царіе наши таковаго тиранства надъ человѣки не творили, съ мертвыхъ дани не искали, мужеска и женска пола, и всего обще человѣчества описанія не творили, яко же случися таково дерзнутіе сотворитися при Давидѣ Царѣ Израильскомъ, яко свидѣтельствуетъ Библія, гл. 21 сице; Писано есть, и возста діаволъ на Давида, и научи Давида, да счислитъ, иже подъ властію его, всего Израиля, и посла Князя своего, Іоава, по всей земли, да счислитъ Израиля, и за то прогнѣвася Господь Богъ за таковое законопреступленіе на Давида, и посла на него три язвы великія, яко же свидѣтельсівуетъ Библія; изволяяй, да чтетъ тамо. Того ради мы, въ книги ваши беззаконныя подложныхъ лѣтъ не пишемся, и не проповѣдуемъ съ вами Янусовскаго Новолѣтія, установленнаго сыномъ погибельнымъ, Петромъ, Великимъ въ злобѣ. О Россіяне! Вонмите, кто царствуетъ и кто обладаетъ вами отъ лѣтъ 1666. По списателю книги «Правыя Вѣры», гл. 30, при слугахъ, и господина указуетъ вашего, властителя, царствующаго надъ вами. Еще паки пишетъ: Мы есмы Христіане, вѣруемъ во Отца и Сына и Св. Духа, въ три лица, а во едино Божество Господа Бога и Спаса Нашего Ісуса Христа, Сына Божія, Спасителя міру; а мы вѣруемъ въ него: 1, исповѣдуемъ его первенца всея твари; 2, первенца изъ мертвыхъ воскрешаго въ третій день; 3, исповѣдаемъ его первенца, вознесшагося на небеса со обоженною плотію и сѣдящаго одесную Отца, и показавшаго на небеса путь всѣмъ правовѣрующимъ въ Него, а въ первенца осмотысячнаго мы не вѣруемъ, и не исповѣ дуемъ его перваго, и не пріемлемъ, и не исполняемъ законопреступнаго повелѣнія, и рабы и слуги его быти не обѣщаемся: зане писано есть во многихъ св. книгахъ: Аще кто обожившагося и треми властьми высящагося Антихриста послушается, идя покорится, и поклонится, и послужитъ, и начертаніе его пріиметь, и законопреступное его повелѣніе не охулитъ, таковый небеснаго царствія не наслѣдитъ, но съ нимъ вкупѣ осудится вѣчнымъ судомъ Божіимъ. Аминь.

Источник: Чтения в Императорском обществе истории и древностей российских при московском университете. 1863. Январь-март. Книга первая. -М., 1863.